Ndahen me sukses binjaket e bashkuara nga Gaza

21:36 | 8 Janar 2018
Trina Galanxhi

Vajzat binjake që lindën të bashkuara në enklavën palestineze të bllokuar të Rripit të Gazës, janë ndarë përmes një operacioni në Riad.

Abdullah bin Abdulaziz Al-Rabiah, i cili drejtoi ekipin që vepronte në ndarjen e Farah dhe Haneni, ka dhënë lajmin për suksesin e arritur, shkruajnë mediat saudite, transmeton portali arbresh.info

Operacioni filloi të hënën në mëngjes dhe përfshinte nëntë faza të anestezisë dhe ndarjen e organeve të shumta, duke përfshirë edhe mëlçinë, si dhe restaurimin e organeve në njëren nga binjakët.

Lajmi vjen muaj pasi një mjek dhe një anëtar i familjes së foshnjave kërkuan nga autoritetet në Gaza që t’u lejohet të shkojnë jashtë vendit për të kryer operacionin.

Izraeli ka mbajtur në bllokadë enklavën për një dekadë, duke përmendur frikën e sigurisë mbi sunduesit islamikë të Gazës Hamas./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm